Détail du cours/stage

Sprooch: Lëtzebuergesch, Däitsch, Englesch (an all Sproochen, déi Deelhuelender gären abaue géingen),

En Zine ass en selwer gestalt klengt Bichelchen, dat een am Sënn vun der DIY-Kultur (Do it yourself) ouni Editioun selwer gestalt a publizéiert. Dem Zine si keng Grenze gesat an et gi keng Reegelen. En Zine kann eng selwer rausbruechten Zeitung sinn, en E-Zine, en Fanzine oder eben en Poetry & Art Zine.

Typesch fir Zines ass net just den Aspekt vum Self-publishing, vun der relativ gerénger Oplag, mee och virun allem de kënschtlereschen Aspekt. En Zine ass oft eng Zesummestellung vun Texter, Biller, Zeechnungen a Fotoen.

Ganz an dësem Sënn wëlle mer an dësem Workshop, schreiwen, zeechnen, molen, fotograféieren, gestalten, zesummenheften, editéieren an eis Geschicht (op erfonnt, real, an Stecker oder a verschiddene Sproochen) a Form vu Biller an Texter erzielen a schliisslech an engem selwer gemaachene Buch zesumme stellen a verëffentlechen.

Zum Schluss huet sou all Participant säin eegent klengt Bischelchen, säin eegent

Konscht & Poesie Zine gestalt, dat mer 20-50x drécke wäerten an dir un är Famill a Koleege verdeele kennt an sou är éischt Publikatioun eegebemächtegt an d'Welt schécke wäert.

Prérequis

• Et gi keng Virkenntnesser gebraucht.

Matériel requis

• Fir dëse Kuer braucht dir ënnerschiddlech Zorte vu Stëfter a Pabeier, eng Schéier an en Päsch (bréngt einfach mat wat dir doheem fannt). 
• Ech wäert ganz vill Zeitungen, Zäitschrëften, (Konscht-)Bicher an Texter matbréngen, un deenen dir iech inspiréiere kennt. 
• Dir kennt och gären all Form vu Material matbréngen, dat iech inspiréiert an aus deene mer Collagë maache kennen. 
• Och wann mir an dësem Kuer vill schreiwen, zeechnen, Fotoe mam Handy a Collagë maache wäerten, kennt dir gäre scho geschriwwe Gedichter, Geschichten Zeechnungen a Fotoen matbréngen, fir dat mer se an de Zine inkorporéieren oder eis dorunner inspiréieren kënnen.