Détail du cours/stage

Sprooch: Lëtzebuergesch, Däitsch, Englesch (an all Sproochen, déi Deelhuelender gären abaue géingen),

E Gedicht performen! An dëser experimenteller Schreifklass geet et dorëms, d'schrëftstelleresch Tätegkeet fort vum Blat an op d'Bün ze bréngen. D'Stëmm gëtt zum Stëft an de Raum gëtt zum Blat. Mat verschiddenste Methoden an Übungen wëlle mer d'Schnëttstellen tëscht Laut an Bedeitung, Sënn an Onsënn oftaaschten a mat Wuert, Toun, Bild, Bedeitung, Sprooch(en) a Kierper experimentéieren. Et wäert eenzel an zesumme geschriwwen, komposéiert an improviséiert ginn. Inspiratioun siche mer eis an eiser Ëmgéigend, eisen Dreem, anere Klassen, verschiddene Medien an Konzepter. Um Enn vun der Klass wäerte mer eng Performance um Summerakademie-Ofschlossfest maachen, wou mer all eis Experimenter, Recherchen an Etuden zu enger Kompositioun op d'Bün bréngen.

Methoden: Stream of consciousness (intuitiivt Schreiwen), Draamtagebuch, divers Performancen, Spriech- an Schreif-Übungen, Méisproochechgkeet, Improvisatioun, theoeretesche Background vu verschiddene Genren an Formen (Héierspiller, Freestyle, Poetry Slam)

Prérequis

Keng Kenntnësser erfuerderlech

Matériel requis

Pabeier, Stëfter an Experimentéierloscht. 

Handy an Ophuelgeräter sinn erwënscht, mussen awer net benotzt ginn. (Ech bréngen e Laptop mat, fir Recherche a Weise vun Video-Material, an wou mer u Cut-ups schaffe kënnen --> Audioschnëtt, Videoen, digital Collagen asw.)